تعارف

کتاب سرائیکی ڈاٹ کام   2019 اچ  سرائیکی ادب ، تحقیق، تاریخ دے متعلقہ کتاباں کو ڈیجٹل کر کہ ہک لائبریری بنڑاونڑ دے مقصد نال شروع تھیا ہای۔  اے ہک رضاکارانہ پراجکٹ ہائ جیندا فوکس کتاباں تک محدود ہای کیونکہ اپنڑے تحقیقی کم دے دوران

ساکوں اندازہ تھیا ہای کہ سرائیکی زبان تے تحقیق کرن آلے طالب علم تے استائذہ کوں  کتاباں تے ریفرنس کیتے پورے ملک دی لائبری اچ پھرنا پوندے ۔ ول ون تے کجھ کتاباں ملدن کجھ کینی ملدیاں ۔ ہیں پاہروں اساں اے ڈیجیٹل سرائیکی لائبریری دی  شروعات کیتی ہاسے ۔  وقت دے نال نال ساکوں  ضرورت محسوس تھی کہ صرف کتاباں کوں آنلاین کرن کافی کینی ، ایں توں اڳوں ودھ کہ ہنڑ سرائیکی اچ تھی چکا کم وی اگھاں ودھاونڑ دی لوڑ ہے۔  تے سرائیکی اچ مزید علم کو ترجمہ کرن تے ڈکنشری سرائیکی زبان دی آنلاین فراہم کرنا وی اہم ہے۔  اڳوں ودھدے اساں سوچا کہ پاکستان دی ساریاں مقامی زباناں جنہاں دی تعداد 70 توں وی ودھ ہے  ، بجاے کلھے کم کرن دے بہتر ہے جو اساں انہاں کو وی رلے رلا گھنوں ۔ ہیں مقصد نال اساں اپنڑے کم 3 حصہ اچ تقسیم کر ڈتے ، سرائیکی کتاب ڈیجیٹلایزشن  ، سرائیکی ترجمہ پراجکٹ ، تے  سرائیکی ڈکشنری جیہڑی ہنڑ ودھ کہ پاکستان دی 10 زباناں دی ڈکشنری بنڑن پاسے ٹر پئ ہے۔ 

مکمل پڑھو

بچے کچھے اپنڑے وسیب دی  ثقافت کو بچاوݨ دا اخری ذریعہ ہݨ عالمی طور تے وی کہیں زبان کو مݨ کیتے پہلے اندے اچ تھیا ہویا ادبی کم تے کتاباں وی ݙیدھن۔ تے کئی تنازعات دا مقابلہ کریندی ہوی سرائیکی کیتے ایندے وچ کتاباں دی اہمیت ٻی وی ودھ ویندی اے ۔
کہیں وی زبان کو بچاونڑ کیتے اوں زبان اچ لکھی گی کتاباں دی ٻہوں لوڑ پوندی اے ، تے اڄ دے دور اچ ہر بندے دی کتاٻاں گھن تے پڑھن دی سکت کینی۔ایں پاہروں ساݙی کوشش اے کہ سرائیکی لغت سمیت جتنے زیادہ سرائیکی کتاٻاں تھی سکن انہاں کو مفت آنلاین فراہم کر سکوں۔ تاکہ زیاہ تو زیادہ لوک ایں تو فایدہ چاون تے سرایکی کو بچایا ونے۔ ایہ ویب سایٹ ہک لایبریری وی اے تے نال ہک رسالہ وی کہ جیندے اچ اپاں لکھاریاں دے تحقیقی تے ادبی مضمون وی نال شائع کریسوں۔ اساں نال دے نال اردو، عربی ،فارسی، ترکی ، جرمن ، روسی ، انگریزی ، ہسپانوی تے ٻے زباناں دے اچ لکھے ڳے ادب کوں وی سرائیکی اچ ترجمے کر کے شایع کرن دا ارادہ رکھیندے سے ، تے ایندے کیتے ساکوں تواݙی لوڑ پوسی۔ ساݙا ہتھ وٹیسو۔ اگر تساں انہاں اچوں کہیں شے دا ترجمہ کر سکدے وے تاں ضرور کر کے ساکوں بھیجو۔ اساں اپنڑی ڄاݨ کئ لابریریاں تے شاعراں ادیباں کنے چکر لا کہ انہاں دی کتاباں کو سکین کر تے ڈجیٹل کر کے اپلوڈ کرن دی وی کوشش کریسوں۔ تے ساݙی تہاکوں وی درخواست اے کہ اگر تساں کوی ادیب ہیوے یا کوی قیمتی کتاباں تہاڈے کول ہن سرایکی زبان ، تحقیق ، یا وسیب تے بارے یا کجھ لکھنڑ چاہندے وے لکھ کہ ساکوں بھیجو، اپنڑے وݙے بݙھڑاں کول ٻاہو انہاں کولوں قصے سنڑو ، شاعری انہاں دی سنڑو، لطیفے سنڑو ، ساکوں لکھ بھیڄو، ہر شے اپنڑی ٻولی کو بچاونڑ تے ودھاوݨ دا ذریعہ اے۔ یا کتاب سکین کر کے ساکوں ای میل کرو۔ یا کتاباں ساکوں ارسال کرو اساں انہاں کو انلاین کریسوں۔ ایہ ساڈی نماڑیں ڄی کوشش ہوسی ما ٻولی کو بچاونڑ کیتے۔ ساݙے نال رابطے اچ راہسو، اپ وی فخر نال سریکی ٻولیسو تے اپنڑے ٻالاں نال وی الیسو تے گھر اچ وی الیسو تاں جو زبان کو بچاون دا ایہو طریقہ اے۔اپنڑیاں کتاباں ہن ۔ ٹیم کتاب سرائیکی ڈاٹ کام

کتاب سرائیکی ڈاٹ کام آئین پاکستان دا احترام کریندے ۔ تے  کہیں وی ایسی تحریر  یا کتاب کوں اپنڑی ویب سائٹ تے جگہ کینا ݙیسی جیندے اچ ، ملک پاکستان  دے مفادات  دے خلاف، یا مذہبی و لسانی منافرت دا کوی شبہ ہوے ۔ کتاب سرائیکی ڈاٹ کام ، کاپی رائٹ قوانین دا احترام کریندے ، تے کہیں وی کتاب دے مصنف یا پبلشر دی شکایت تے کتاب کو لائبریری اچوں ہٹاونڑ دا پابند ہے ۔

مکمل پڑھو

کتاب سرائیکی ڈاٹ کام  دا مقصد قدیم سرائکی کتاباں کو ڈیجٹل کر کے اگلی نسل کیتے محفوظ کرنا ہے ۔ ایں مقصد کیتےپندرہ  سال توں پرانڑیاں کتاباں مصنف دی اجازت دے بغیر وی مکمل آنلاین عوامی فلاح تے تعلیم کیتے فراہم کیتیاں ویسن ۔ حالیہ شائع کتاباں مصنف یا پبلشر دی اجازت نال مکمل فراہم کیتیاں ویسن۔ یا ول صرف انہاں دا کچھ حصہ انلاین فراہم کیتا ویسے ، اساں عوام کو درخواست کریندے سے کہ انلاین لایبری تواݙی سہولت کیتے ہے ۔  اگر کتابآں مارکیٹ اچ فراہم ہوون تاں ضرور خرید تے ہارڈ کاپی پڑھو جو مصنف تے پبلشر کو وی مالی فایدہ تھیوے تے او سرایکی ادب تے کم جاری رکھن۔ اساں مصنفین یا پبلشر دی درخؤاست تے انہاں دی کتاباں دے کچھ حصے بطور مشہوری و لا سکدے سے انہاں دے ایڈرس نال جو انہاں دی کتاب دی سیل اچ اضافہ تھیوے۔ کہیں قسم دی شکایت  کیتے یا کتاب ویب سائٹ توں ہٹاونڑ کیتے ساکوں ای میل کرو۔

[email protected]

سرائیکی کتاب ڈیجیٹائزیشن : سرائیکی قدیم کتاباں کوں آنلاین فراہم کرنا

 ( رضاکارانہ پراجکٹ)

سرائیکی  ترجمہ : دنیا بھر دی زباناں اچوں مختلف مضامین  ، ناول ، تحریراں ، کتاباں  کوں سرائیکی زبان اچ ترجمہ کر کہ ویب سائٹ تے چھاپنڑ تے بعد اچ ڈیجٹل کتاب دی شکل ݙیونڑ ۔ 

(رضاکارانہ پراجکٹ )

سرائیکی ڈکشنری پراجکٹ : سرائیکی زبان تے ایندے سارے لہجاں دی ہک آنلاین ڈکشنری دی فراہمی 

(رضاکارانہ پراجکٹ ) 

 

کتاب سرائیکی ڈاٹ کام اپنڑے ابتدائی ہک سال ایچ مکمل طور تے رضاکارانہ کم مفت کریندی رہی ہے ، جیندے بعد معاشی مسائل دی وجہ توں تے رضاکاراں دی کمی پاہروں ساکوں کم روکنا پییا ہا۔  ہنڑ دوبارہ اساں اے کم شروع کیتے سے ۔ اگر  تساں سرائیکی ما بولی دی خدمت  تے اپنڑے بالیں دی شناخت تے مستقبل کیتے کہیں وی قسم دا مالی تعاون یا رضاکارانہ کم  ترجمہ یا کتاباں کو ڈیجٹل کرن دی شکل اچ کر سکدے وے تاں اساں تواݙے مشکور رہسوں۔ ساکوں ای میل کرویا ساݙے فیس بک پیج تے ساکوں میسج کرو ۔ شکریہ ۔

[email protected]

ایں لنک تے ٹچ کرو ۔

www.fb.com/kitaabsaraiki

سلام سارے سنگتیاں کوں ۔

تساں اپنڑی جیڑی وی نویں لکھی ہووی تحریر  کتاب سرائیکی ڈاٹ کام تے چھاپنڑا چاہندے وے ، تلے آلا بٹن دباو  ۔ فارم بھرو تے  سینڈ کر ݙیو۔تساں ایندے علاوہ کہیں ٻی زبان اچ لکھی ہوئی تحریر کو ترجمہ کر کہ اصل مصنف دے ناں ، حوالے نال ساکوں بھیڄ سکدے وے ۔ بطور مترجم تواݙے ناں دے نال اساں چھاپ ݙیسوں۔

 تساں تحریر ساکوں ای میل وی کر سکدے وے ۔

[email protected]

اساں تحریر  ریویو کر تے چھاپ ݙیسوں۔


تحریر بھیجو

سلام ساری سنگت کوں۔ کتاب سرائیکی ڈاٹ کام سرائیکی وسیب، سرائیکی ادب ، سرائیکی زبان تے قوم دی خدمت دا ایک پلیٹ فارم ہے۔ ایہ کوئی ایہ سواں سوکھا کم نہیں جو  اساں کلھے کر سکوں ، نہ ٖ ݙو چار لوک یا کہیں ہک ادارے دی سکت جوگا کم ہے۔ ایندے کیتے سارے وسیب کو رل مل کہ کم کرنا پوسی۔ پرانڑے شاعراں دا کلام ہووے ، لکھت ہوون، کجھ وی جیہڑا سرائیکی دے متلعق ہے اوکوں سکین کر کہ ساکوں بھیجوں ۔ اساں ایندی کتاب بنڑا کہ اپلوڈ کریسوں تاں جو علم دی دولت توں سارا وسیب حصہ گھنے تے اپاں اپنڑی ما ٻولی تے ریت ثقافت کوں بچا سکوں۔ اگر پی ڈی ایف اچ تواݙے کول کوی کتاب ہووے تاں اپلوڈ کرو، یا تصویراں فولڈر اپلوڈ کرو ۔ اگر فولڈر ݙھیڳ وݙا ہووے تاں ساکوں ای میل اچ اٹیچمنٹ بھیڄو۔ اتھاں تساں پی ڈی ایف فائل اپلوڈ کر سکدے وے۔ یا تصویراں دا فولڈر بنڑا کہ اپلوڈ کرو۔ فائل سائز 100 ایم بی تو زیادہ ہووے تا ساکوں ای میل کرو۔ اگر تساں کتاب دے مصنف دے تعارف تے کتاب بارے مختصر معلومات تبصرہ وی کر سکو تاں اساں تواݙے مشکور رہسوں۔ تے ایہ ساکوں ڈیٹا بیس بنڑاونڑ اچ وی مدد کریسی۔

لنک تے کلک کر کہ کتاب اپلوڈ کرو پی ڈی ایف اچ۔

[email protected]

  کتاب اپلوڈ کرو  

تساں ساکوں ای میل کر کہ رابطہ کر سکدے وے ۔ 

[email protected]

یا ساکوں فیس بک پیج تے میسج کرو۔ 

تلے لنک تے کلک کرو ۔ 

www.fb.com/kitaabsaraiki

error: Content is protected !!