سرائیکی

سرائیکی زبان پاکستان دی قدیم ترین زبان ہے ۔ جہیڑی پاکستان دے چاراں صوباں اچ بولی تے سمجھی ویندی ہے ۔ 

تاریخی لحاظ نال سرائیکی دے کئی قدیمی ناں ہن۔ جنہاں اچوں ڄٹاکی ، ملتانی ہندکی، ریاستی ، تے سندھی دے ناواں نال مشہور رہی ہے ۔ قدیم لہندا زباناں دے گروہ توں تعلق رکھنڑ آلی ایں زبان دا سب تو مشہور ناں ملتانی رہیا ہای تے ایندی وجہ ملتان دا شہر ہے جیہڑا مہابھارت دے دور توں ہندوستان دا قدیم ترین تے اہم شہر ہای ، اے ملوہی قوم دا مسکن وی ہا تے ہندو مت دا مقدس شہر وی، 

   ملتانی لوک تے ملتانی زبان خطے کیتے کوئی نویں یا انڄانڑ حیثیت کینی  رکھیندی۔ سرائیکی زبان دی تاریخ تے کئی کتاباں لکھیاں ڳیاں ہن۔ 

سرائیکی دی اولین لغت مرتب کرن اچ انگریز محقق جیوکس دا اہم کردار ہا۔ 

پاکستان بنڑ دے بعد ملتان تے بہاولپور دے جیہڑے ہندو ہندوستان ہجرت کر ڳین او اتھاں اے زبان  ملتانی تے بہاولپوری ریاستی دے ناں نال الیندین۔ 

لہندا زباناں دا ناں ایں خطے دی مخصوص ٻولیاں کو ݙتا ڳیا ہا ، جیندے اچوں ملتانی ریاستی ڈیرہ والی کوں اکٹھا کر تے سن ١٩٦٠ دے ݙھاکے اچ سرائیکی دا ناں ݙے کہ اکٹھا کر ݙتا گیا ہا تاں جو ایہ زبان بولنڑ آلاں کو اپنڑی سنڄانڑ ملے۔

ساݙی ویب سایٹ تے تہاکوں سرایکی دے متعلق ڈھڳ مواد مل  ویسی۔ مضامین تے کتاباں دا سیکشن ݙیکھو۔ 

سرائیکی زبان  دے ٖݙو اہم رسم الخط ہن۔

ایندے اچوں پک عربی فارسی رسم الخط ہے جیندے اچ سرائیکی تے سندھی دی مخصوص آوازاں دا اضافہ کیتا ڳے۔

سرائیکی دا ݙوجھہ اہم تے متروک رسم الخط ملتانی برہمی رسم الخط ہے جیہڑا ہنڑ کافی حد تک متروک تھی ڳے پاکستان اچ چوں جو ایکوں لکھنڑ پڑھن آلے ہندو ہن ہندوستان ہجرت کر ڳین تے انگریز دور اچ ایندی جگہ فارسی عربی رسم الخط رایج کیتا گیا ہای۔ 

اساں کوشش کریندے پے سے کہ سرایکی دا ایک خط وی دوبارہ استعمال اچ گھن آوں۔ خؤشی دی ڳالھ اے ہے کہ سرائیکی دا ایہ خط عالمی یونی کوڈ ریکارڈ اچ رجسٹر تھی ڳے۔

ایہ  رسم الخط گور مکھی یا دیوناگری توں الگ ہے کیوں کہ ایہ ݙوہیں رسم الخط سرایکی دی آوازاں ادا کرن دے قابل کینی۔ 

تے جیہڑے لے  ملتانی سرائیکی کول ایندا اپنڑا قدیم رسم الخط موجود ہے جیہڑا ایندی ہک قدیم تے مکمل زبان ہونڑ کوں ثابت کریندے ، ایندے اتے کم کرن دی لوڑ اے۔

سرائیکی زبان دے حروف تہجی یا اکھر  پنتالیہ یا 45 ہن

ا ب ٻ ت ٹ ث ج  ڄ چ ح خ د ڈ ݙ ذ ر  ڑ ز ژ 

 س ش ص ض ط ظ ع غ ف ق ک گ ڳ ل م ن ں ݨ و ہ ھ ء ی ے

قدیم ملتانی برھمی رسم الخط

ملتانی رسم الخط کو سکھو عربی دے لحاظ نال

برطانوی دور اچ قدیم ملتانی سرائیکی رسم الخط اچ لکھی ہوی بایبل دا ہک حصہ۔

Tab Content
Tab Content
error: Content is protected !!