مختصر تعارفی سلسلہ سرائیکی ادبی شخصیات 8 ( محمد رفیق ساگر)۔ جہانگیر سوز

ناں ۔۔۔ محمد رفیق ساگر

تخلص ۔۔۔ ساگر

سکونت— پروآ تحصیل پروآ ضلع دیرہ اسماعیل خان

تصانیف ۔ پہلا نعتیہ مجموعہ کلام ( پھونہار ) ڈوجھی کتاب ( جگارے) تریجھی ۔زیرِ طبع

ساگر صاحب انتہائی ادب نواز شخصیت ھن۔
خیبر پختونخوا وچ سرائیکی ادب دی بہوں وڈی خدمت کریندے پائن ۔
حکومت کے پی کے دی طرفوں صوباٸی ایوارڈ یافتہ ھن۔

الطارق ادبی ایوارڈ ۔ گندھارا بورڈ پشاور توں اسناد و انٹرنیشنل ایوارڈ وی وصول کر چکن ۔
سراٸیکی بزم سرور تحصیل پروآ قاٸم شدہ 1998 دے سر پرست اعلیٰ ھن۔

منتخب کلام شاعر۔

چپ چپاتی ہیے زندگی میڈی

گنگی باتی ہیے زندگی میڈی

جے سچ الینداں تاں قتل تھی ویساں

تونڑیں ذاتی ہیے زندگی میڈی
۔۔۔۔۔۔۔۔۔ ۔۔
عرش والے امین پٹھ

زمین تے دلنشین پٹھ

خلیل منگی دعا ہے ساگر

مکان بنڑ گۓ مکین پٹھ

۔۔۔۔۔۔۔۔۔
سیدات اچ تیڈا زکر کمال آندا ہیے
قرآن دے اندر تیڈا حال آندا ہیے
فرشتہ ھاں تونڑیں در تو تھیاں واپس زاہرہؓ تیڈے پردے دا خیال آندا ہیے

۔۔۔۔۔۔۔۔

قلندر کنڑ سکندر تھی گیا ھاں
مٸیں ہیرا ہم تے پتھر تھی گیا ھاں

میڈے دل اچ ایڈے بت آ وسے ھِن
مٸیں مسجد ہم تے مندر تھی گیا ھاں

کڈاں نٸیں عشق دی گرمی ختم تھٸ
تونڑیں تھل توں سمندر تھی گیا ھاں

سِوا اوندے میکوں کجھ نٸیں نظردا
مٸیں اندھا عشق اندر تھی گیا ھاں

جڈنڑ دا تٸیں رلایاۓ نال اپڑیں
کنارا ہم تے ساگر تھی گیا ھاں
………………
ھک ڈوہڑہ

کہیں کہیں ویلے دی گال نِوی تیکوں مٸیں ہر ویلے یاد کیتمم

ڈنہہ سارا یاد اچ گزر ویندے تیکوں شام سویلے یاد کیتم

نٸیں لہندی دل توں یاد تیڈی تیکوں ویل کویلے یاد کیتم
جڈاں ساگر نیت نماز کراں تیکوں نیت توں پہلے یاد کیتم

مختصر تعارفی سلسلہ

  سرائیکی وسیب دے نامور تے  گمنام ، نویں تے پرانڑے لکھاریاں دے تعارف دا ہک سلسلہ ہے جہیڑا جہانگیر سوز سائیں نے شروع کیتے ۔

شعراء دے کلام دے نال انہاں دا تعارف تے اکٹھا کرنا ہن وݙا کم ہای ۔  جہیڑا جہانگیر سوز سر انجام ݙتے۔ کتاب سرائکی ڈاٹ کام تے ایہ  سلسلہ مستقل شائع تھیسی۔

سرائیکی شعراء کا تعارف ، سرائیکی ادیبوں کا تعارف ، تعارفی سلسلہ مکمل قسطاں پڑھن کیتے اتھاں لنک اوپن کرو۔

http://www.kitaabsaraiki.com/categories/intro

جہانگیر سوز

جہانگیر سوز

جہانگیرسوز سائیں تونسہ شریف دے رہائشی،شاعرتے مشہور ادبی شخصیت ہن۔ انہاں دا اہم سلسلہ سرائیکی ادبی شخصیات دے تعارف ساݙی ویب سائیٹ تے قسط وار شائع تھیندا پے۔ پروفائل اوپن کر کہ پڑھو

ایکوں شئیر کرن کیتے تلویں بٹن دباو

Share on facebook
فیس بک
Share on twitter
ٹوئیٹر
Share on whatsapp
واٹس ایپ
Share on email
ای میل
Share on pinterest
پن ٹریسٹ
Share on google
گوگل
Share on telegram
ٹیلی گرام
Share on print
پرنٹ کرو
error: Content is protected !!