اشتہارات

اپنڑی ، دکان ، کاروبار ،سکول ، کالج ، آنلاین کاروبار ، یا کہیں وی قسم دے اشتہارات کیتے ساکوں ای میل کرو یا فیس بک تے میسج کرو۔

تلے آلا بٹن دباو

سیارے وینس دا تعارف سرائیکی اچ لکھت ارشد لاشاری

تحریر: ارشد لاشاری
اے سیارا ونیس (زہرہ )ھے دھرتی دی جاڑی بھیݨ،، اجکل شام چھی وڄے تو لا کے رات ݙاھا وڄے تک اینکوں مغرب آلے پاسے ݙیکھ سکدے وے اسمان تے چندر دے بعد سبھ تو ودھ روشن ایہا سیارا ھے، ویسے جیکر موسم صاف اور شھار تو پرے ھیوے تاں اینکو ݙینھ وچ وی ڳول سگدے ھو،،
وطن عزیز وچ فلکیاتی سائنس دا شعبہ ویسے ہی شجر ممنوع ھے تے اتو جیکر ایں سائنس دا مضمون سرائیکی زبان وچ ھووے تاں ہوا کو ݙانگاں مارݨ دے برابر ھے، (برحال راقم دی زاتی دلچسبی ھے تے مختلف فورم تے انگریزی زبان وچ ایں موضوع تے لکھیندا رہندے، تے ھک عدد آسمان پرچول دوبین دا وی مالک ھے )
رات دا وڳڑا، کرونا لاک ڈاون تے پواندی سراندی دے سفر تو تنگ تھی آسمان تے دید بھوایم تے میݙا تریجھا من پسند سیارا ونیس (زہرہ )دی خوبصورت چمک میکوں اڄ سرائیکی وچ ہوا کو ݙانگاں مارݨ تے مجبور کر ݙتے،،، تے میں ایندی سرسری معلومات ھک کالم دی شکل وچ ݙیوݨ دی کوشت کیتی ہیم..

سیارا زہرہ باظاہر دھرتی دی جاڑی بھیݨ سمنجھیا ویندے پر اے جتنا چمکدار ھے اوں تو زیادہ خطرناک ھے ایندی سطح انسانی ساختہ کہیں وی قسم دی دھات سانگے قابل برداشت کینھی،
مشیت خداوندی ایندا کوئی زاتی چندر کینھی ایں. سیارے دی ہوا دھرتی دی ہوا کنے 92% زیادہ وزنی ھے. جیندی وجہ تو ہر ویلے ایندی ہوا وچ خطرناک ایٹمی تابکاری تھیندی راہندی ھے،گیلکسی دے
اساݙے سجھ (سورج )دے وہیڑے وچ ایں سیارے دا نمبر ݙوجھا ھے، اور رقبے درحق دھرتی کنے تقریباً 12% ودھ ھے، نطام شمسی دے ݙوجھے سیاریاں دی نسبت ایندا حجم بیضوی دی بجاے بلکل گول کھدے (گیند)آلی کار ھے،ایندا زمین کنے فاصلہ تقریباً 4 کروڑ 10 لکھ کلو میٹر ھے ایں سیارے دا ھک ݙینھ دھرتی 116.75 ݙینھ دے برابر ھے اپݨی سست گردش
دی وجہ تو اے سورج دے چدھارو اپݨے 224.65 ݙینھ وچ سال مکمل کرہندے یعنی دھرتی دے 80 سال مطابق ھک چکر،،،
کافی پروب مشن ایں سیارے تے بھیجے ڳن پر حالی تئیں کئی مشن 50 منٹ تو زیادہ ایندی فضاء وچ نی ثابت رہ سکیا، موجودہ انسانی ٹیکنالوجی دے مطابق اتھاں حالی کئی انسان بردار مشن نی ونڄ سگدا ایں سانگے فلکیات دان اتھاں انسانی آبادگاری یار کئی ݙوجھے پروجکٹ دے بارے کوئی منصوبہ نی سوچیا،،،
اڄ دا کالم پڑھ تے میکوں لازمی کومنٹ وچ ݙیسیسو جو تہاکو سرائیکی وچ فلکیات دی سائنس نال کتنی دلچسبی ھے تاکہ میں کجھ مزید کوشت کر سکا،، نتاں ولا اوہو پراݨی روٹین تے ول آسوں
ارشد لشاری

ارشد لشاری

ارشد لاشاری سائیں کراچی اچ رہندن تے نامور لکھاری ہیں جناب دیاں لکھتاں کی اخباراں اچ چھپدین۔ کتاب سرائیکی ڈاٹ کام تے وی انہاں دے مضامین موجود ہن۔

ایکوں شئیر کرن کیتے تلویں بٹن دباو

Share on facebook
فیس بک
Share on twitter
ٹوئیٹر
Share on whatsapp
واٹس ایپ
Share on email
ای میل
Share on pinterest
پن ٹریسٹ
Share on google
گوگل
Share on telegram
ٹیلی گرام
Share on print
پرنٹ کرو
Free counters!
Archives
اشتہارات

اپنڑی ، دکان ، کاروبار ،سکول ، کالج ، آنلاین کاروبار ، یا کہیں وی قسم دے اشتہارات کیتے ساکوں ای میل کرو یا فیس بک تے میسج کرو۔

تلے آلا بٹن دباو

Free counters!
Archives
error: Content is protected !!