اشتہارات

اپنڑی ، دکان ، کاروبار ،سکول ، کالج ، آنلاین کاروبار ، یا کہیں وی قسم دے اشتہارات کیتے ساکوں ای میل کرو یا فیس بک تے میسج کرو۔

تلے آلا بٹن دباو

عصبیت کوں بھنو ۔ تحریر مجاہد خٹک 

عصبیت کوں بھنو  مجاہد حسین خٹک

(عصبیت کہیں وی معاملے اچ اپنڑی برادری دا حق نا حق ساتھ ڈیونڑ تے مخالف دی ہر حال اچ حق نہ حق مخالفت کرن کو آدھن ۔)

جیہڑے وی معاشرے اچ جتھے بندی دا رواج تھی ونے تاں ہک ڳالھ سمجھ ونو کہ ایندے اچ انصاف دا نظام ہنڑ برباد تھی ڳے ، لوکاں دا نظام توں دل چو ڳے ، ہنڑ لوکیں کول ایہو رستہ باقی اے جو اپنڑے اپنڑے سویں دا کٹھ بنڑا گھنن  تے اپنڑا تحفظ کرن،  ایندے اچ معاشرے دی قومی سوچ ختم تھی ویندی ہے تے بطور قوم ایکا ختم تھی ویندے ، لوک نکے نکے اکٹھاں دی دیواراں اچ اپنڑے آپ کوں امان اچ سمجھدن۔

پاکستان اچ وی ایہوں حآل ہے ، انصاف نہ ہونڑ پاہروں ہنڑ  گروہی عصبیت ایݙی ودھ ڳی ہے کہ جو لڳدے کہ معاشرہ لڑن بھڑن آلے  قبیلاں دا دنگل لگدے۔ ہر برادر جائز نا جائز ، حق نا حق بھل تے چھڑی اپنڑے بندے دا ساتھ ݙیندی ہے ۔  چوں کہ قومی سطح تے جوڑن آلی سوچ ہنڑ کینی ہیں پاہروں عام بندے کلوں گھن کہ تے دانشور تک سارے مل تے ملک پاکستان دے وجود تے سوال چاونڑ شروع تھی ڳین۔

کوی وکیل مشکل اچ پھس ونے ایندے برادری آلے ݙنݙکے سوٹے چا کہ ایکوں بچاونڑ ٹر پوندین، ڈاکٹراں دی اپنڑی برادری ہے کہ اپنڑا بندہ بچاونڑے لوک بھاوین مر ونن ، کلرکاں دی برادری ہے جݙنڑ دل کرے ، قلم چھوڑ ہڑتال کر کہ حکومت کلون اپنڑے ڳالھیں منوا گھندن۔  حکومتی پارٹی دا بندہ ہوے ہوکوں بچاونڑ کیتے ہر قانون بھن تے اپنڑے ووٹر کو راضی رکھن دی کوشش کریندن۔ 

اپوزیشن دا کوئ وݙ پردھان  کرپشن دے الزام اچ  پھدیڄ پووے  پوری جماعت بچاونڑ کوں ٹر پوندی اے ،  تھایں موٹروے پولیس  کہیں فوجی دا چالان کرنا ہووے تاں او اپنڑی بٹالین سݙوا تے چلان کرنڑ آلے  دی او کوٹ کوٹ  منڄ کڈھینن کہ اڳلا ول ایہ ڄیا کم نہ کرے ۔

اتوں  لا کہ تلے تایں ہر پاسے گروہ بندی تھی کھڑی اے  ہیندے اچ اپنڑے بندے دا بچا کرنے اڳلیاں دا بھاویں ککھ نہ رہوے۔

ایندی منڈھوں وجہ ایہوں ہے کہ ساݙے معاشرے اچ ایہڄا نظام کینی جیندے تے عام بندے کو بھروسہ ہووے کہ او اکوں کہین ہستی آلے کلون بچا گھنسی ، جیہڑی ݙینہ ایہڄا کوی نظام آیا یہ سارے گروہ اے برادریاں اوندے اڳوںآپ نیویاں تھی وی ویسن۔

اچھا ایں برادری دا ہک ٻیا وݙا ݙکھ اے وی ہے کہ اپنڑی حکمران جماعتاں ایکوں ایویں چلاونڑ تے  دے حق اچ ہونن کیوں جو ایندے نال اڳلا الیکشن ہناں برادریاں دے وݙیراں کو نال رلا کہ جیتنڑا ہوندے کہیںتے ہتھ نی پا سکدے ۔

 ہیں پاہروں پورا حکومتی سیٹ اپ میرٹ دی بجاے اپنڑی وفاداری تے کھڑا تھیندے ، جیندے نال معاشرے اچ میرٹ تے حق دا رواج مکدے کہ لالا کجھ تھیوے افسر فلانڑی جا اپنڑا بندہ لڳنڑا چاہیدے۔  جتھاں میرٹ ہووے اتھان ایہ نفرت آپے مک ویندی ہے

ایہاں او اصل شے ہیوے جیکوں بھننڑ اپنڑا پہلا خاب ہووے ، ووٹ پاونڑ ایلے وی ایہو ݙیکھو کہ کل کلاں کہ یہ انصاف تے حق دی حکمرانی گھن کہ آسن یا کینا، جب تک انصاف تے حق عوام کو نہ ملسی او ایوں گروہ برداریاں اچ رہندی رہسی ، حق ناحق اچ چھڑی آپنڑیاں دا ساتھ ݙیندی رہسی تے وفاق ایوں کمزور تھیندا رہسی۔

مجاہد خٹک

مجاہد خٹک

مجاہد خٹک سائیں ڈیرہ اسماعیل خان دے رہائشی ہن۔ پاکستانی میڈیا دی مشہور ویب سائٹس دے ویب ایڈٹر وی رہے ہن ۔ معتدل بیانیہ ، شگفتہ زبان تے وسیب نال پیار کرن آلی ہستی ہن۔

ایکوں شئیر کرن کیتے تلویں بٹن دباو

Share on facebook
فیس بک
Share on twitter
ٹوئیٹر
Share on whatsapp
واٹس ایپ
Share on email
ای میل
Share on pinterest
پن ٹریسٹ
Share on google
گوگل
Share on telegram
ٹیلی گرام
Share on print
پرنٹ کرو
Free counters!
Archives
اشتہارات

اپنڑی ، دکان ، کاروبار ،سکول ، کالج ، آنلاین کاروبار ، یا کہیں وی قسم دے اشتہارات کیتے ساکوں ای میل کرو یا فیس بک تے میسج کرو۔

تلے آلا بٹن دباو

Free counters!
Archives
error: Content is protected !!