قسور عباس ملتان سائیکولوجی: قسط نمبر 2
(بالیں دے نفسیاتی مسائل ) ( سکول دا ڈر )
ڈوجھی قسط وچ اساں بالیں دے سکول کنوں ڈر جئیں اہم مسئلے تے گال کریندے ہوئیں پیو تے ماء کوں اے ڈساونر چاہندے ہیں جو اوو اپنڑیں بالیں کوں سکول دی عمر وچ سکول بھیجن جہڑی جو ماہرین نفسیات دے مطابق 5 تو 7 سال ہے. 1 توں 5 سال دی عمر وچ بال اپنڑیں پیو ماء بھیڑیں تے ہم عمریں کنوں ہک طرح دا علم حاصل کریندا پیا ہوندے جہڑا جو بال دی شخصیت دا خاص حصہ بنڑدے . اے مرض بالیں وچ تھیونڑ دیاں بہوں ساریاں وجوھات ہن چند اہم تلے درج کریندا پیاں
.
کتابیں دا خوف ●
شرارتی بالیں دیاں حرکتاں ●
سکول دا نا سازگار ماحول ●
استادیں دا جارہانہ رویہ ●
کم عمری●
انہاں وجوہات دی بناں تے بال وچ سکول دا خوف پیدا تھیندے . تے بال سکول نہ ونجن واسطے طرح طرح دے بہانے بنڑیندے مثلا میڈے ہنڑوں وچ درد اے ، میڈے پیٹ وچ درد اے .
اگر والدین ایں معاملے وچ سختی کرنڑ تاں ہوندے نتائج سنگین نکل سگدن یا اسلوں نرمی کرنڑ تاں بال خراب تھی ویسن . تاں درمیانی
راستہ اختیار کریندے ہوئیں درج گالہیں تے عمل کرنڑاں پوسی .
سکول دی خاص عمر وچ بالیں کوں سکول بھیجن ●
سکول دے اساتذہ نال رابطے وچ راہون ●
بالیں دے دوست بنڑین تاکہ انہاں کوں بال دے مسئلیاں دا پتہ چلے ●
مسئلے دی صورت وچ انہاں کوں اعتماد وچ گھنن ●
.
اساتذہ دا وی ہئیں مسئلے وچ اہم رول ہے۔ ●
انہاں کو وی اے چاہی دا ہے جو اپنڑاں جارہا نہ رویہ ختم کرنڑتے بالیں کوں پیار محبت کرن تے دوست بنڑ کے پڑھاو ●
سکول دا ماحول سازگار بنڑاون ●
بالیں دی ڈیکھ بھال کرن ●
تے دوستانہ اصلاحی ماحول پیدا کرن ●
کیوں جو استاد تے والدین دا بال دی تربیت وچ کلیدی کردار ہے۔
