نویاں کتاباں پڑھو

مہینہ وار تحریراں

سب تو زیادہ پڑھی ڳئ

اپنڑی ، دکان ، کاروبار ،سکول ، کالج ، آنلاین کاروبار ، یا کہیں وی قسم دے اشتہارات کیتے ساکوں ای میل کرو یا فیس بک تے میسج کرو۔ تلے آلا بٹن دباو

ٻال ڄمنڑ دے بعد زالیں دے مسائل تے احتیاطاں ۔ ساݙیاں ماواں بھینڑیاں کیتے رہنمای

یہ تحریر مختلف زبانوں میں پڑھیں۔

(ترجمہ تے لکھت کتاب سرائیکی ڈاٹ کام )

ٻال جمنڑ دے بعد ہک پاسے  خاندان کوں خوشی ہوندی اے ٻے پاسے ما کیتے اے تکلیف دا ویلا ہوندے  جیندے اچوں او شودی لنگھدی ہے ، ایں ویلے تہاکوں انہاں  دا خیال رکھنڑ دی

 

لوڑ ہوندی اے ، خود وی پڑھو تے اپنڑے گھر آلاں نال وی ونڈو ۔

اگر ٻالاں دے جمنڑ دے بعد زچہ دے مسایل تے توجہ نہ ݙیو تاں تاں اے  اوندے کیتے ساری زندگی دا روگ وی بنڑ سکدے ، ٻال جمنڑ دے بعد دی حالت کوں پوسٹ پارٹم حالت آدھن ۔ جیندے اچ ہک ما کی جسمانی تے نفسیاتی تبدیلیاں اچوں لنگھدی اے ۔

جسمانی مسائل :

ٻال ڄمنر دے بعد ما کوں قبض ، چھاتی اچ درد تے سوج  تھیندے ، شدید سردی تے گرمی لگدے اے ،، پیشاب اچ ساڑ محسوس تھیندی تے وزن گھٹنر شروع تھی سکدے ۔

نفسیاتی مسائل :

ٻال ڄمنڑ دے بعد جیہڑے ہارمون ما اچ پیدا تھینن او ٻہوں زیادہ تکلیف دی وجہ بنڑدن ، تے ہیندا اثر ما دے مزاج اوتے پوندے او اوکھی تھیندی اے ،

  چھتی تھیندی اے ، اداس ، جزباتی ، آلس تے  ہاں ٻجھا رہندے ۔

تے اے علامات ہر ݙاہ اچون ہک تریمت اچ نظر آنن۔  ذالیں دی ذندگی دا اے ٻہوں نازک دور ہوندا اے ، ہیں ویلے اوندے  گھر آلے کو تے ساہوریاں پیکاں کوں وی سمجھنڑ تے صبر دی لوڑ ہے

زچگی دے بعد دیاں احتیاطاں

ٻال ڄمنڑ دے بعد ہر معاشرے وچ خواتین دی خصوصی ݙیکھ بھال تھیندی ہے تے اے ایندی صحت  تے زندگی کیتے وی ضروری ہے۔

اساں تہاکوں ہنڑ کجھ احتیاطاں ݙسیسوں ڄیہڑیاں ایں حوالے نال کرنی چاہیدیاں ہن ۔

1: کپڑے کے بجائے پیڈز کا استعمال کریں

زچگی دے بعد نفاس یا بلیڈنگ  تھیونڑ دے دوران عام کپپڑے دی بجاے پیڈ استعمال کیتے ونن تاں جو عام کپڑا ݙھیڳ قسم دے انفیکشن تے الرجی دی وجہ بنڑ سکدے تے  جیہڑا ما کو وی بیمار کر سکدے تے پیچیدگیاں دی وجہ وی تھی سکدی ہے ۔

صفای ستھرای یا دھاونڑ کیتے گرم پانڑی استعمال کرو

اگر چلیہے دے دوران دھاونڑا ہووے تاں گرم کوسے پانڑی نال دھاوو احتیاط نال ایندے نال  بت دے اندر اعضاء کو ٹکور ملدی اے تے درد گھٹدے ۔

ڈھیڳ سارا آرام کرو

 ۔ ایں حالت اچ جیہڑے ویلے نکے ٻال دی ذمہ داری ما اتے ہوندی اے ، ٻال کو ہر ݙو ترے گھنٹے بعد کھیر پلاونڑہ ہوندے ، نال اوکوں صاف کرن ، تے ٻے کم کار وی ما اتے ہوندے ہن ما دا آرام کرنا ٻہوں ضروری ہے  ،کوشش کرو جیہڑے لے ٻال سمدے تساں وی سم پوو نییندر پوری کرو کہیں ٻے کم اچ ویلہ دا نہ زیان کرو ۔  کیوں کہ ایہوں تواݙا  آرام دا ویلہ ہے۔

چنگی تے صحت بخش خوراک کھاو

ٻال جمنڑ دے بعد کی ذالیں کو اپنڑے وزن ودھنڑ دی فکر ہوندی اے تے کھاونڑ پیونڑ گھٹ کر ݙیندیاں ہن ۔

بلکل اے ویلہ بھکے راہونڑ یا ڈایٹنگ کرن دا کینی ۔ کھاونڑ پیونٹر توں انکار نہ کرو۔

ٻال جمنڑ کیتے تواݙے بت اچوں ہر جز گھن تے او پلدے ، جیندے نال جسم اچ ضروری مادے  پانڑی ، نمکیات  وٹامن ، پروٹین ، چربی، خون دی کمی تھیندی ہے جیکوں تساں صحت بخش چنگی خوراک کھا تے ہی پورا کر سکدے وے ۔ ایندے علاوہ ٻال کو جیہڑا کھیر تساں پیلیندے وے اپنڑا او وی تواݙے بت اچوں بنڑدے ہیں پاہروں چنگا کھاو پیو ، فروٹ ، گوشت یخنی کھیر ،  پیو تا کہ جسم اچ پروٹین ، فیٹ ، نشاستہ موجود رہوے ۔

5: مناسب مقدار میں پانی پیئيں

ایں حالت اچ پانڑی پیونڑ لازمی ہے کیوں کہ پانڑی گھٹ پیونڑ نال قبض تھی سکدی اے تے کھیر پلاونٹر آلی ماواں دے بت اچوں کھیر دے نال پانڑی گھٹ تھیندا پیا ہوندے ہیں پاہروں پانڑی دی کمی کھیر وی گھٹا سکدی ہے ۔

تھوڑی ٻاتی ورزش کرو

زچگی دے بعد جسم دے سارے حصیاں کوں دوبارہ چالو کرن کیتے تھولی تھولی ورزش ،  بت تے دماغ ݙوھاں کیتے ٻہوں اہم ہے ۔ ہیں پاہروں لازمی ہے کہ ذالیں ڈیلوری دے کجھ عرصہ بعد  زری زری ورزش کرن تے آپ کوں ٹایم ݙیون۔
اے معلومات اپنڑے گھر آلاں تایں پچاو ، انہاں دا خیال رکھو ، اپنڑا خیال رکھو۔
ساریاں بھینڑیں ، ماواں ،  بھیرا جیہڑے اے پڑھدے پے ہن انہاں کو ارداس ہے کہ ،
اپنڑا خیال رکھو تے تساں اگر اپنڑیاں وسیب دیاں ماواں بھینڑاں کیتے کجھ لکھنڑ چاہندے وے تاں کتاب سرائیکی ڈاٹ کام دا اے پلیٹ فارم توا ݙے کیتے ہی ہے ۔ لکھو تے اساں شایع کریسوں ۔

زالیں

اے ساݙی ویب سائٹ دا سیکشن خواتین کیتے ہے ۔ ایندے اچ روٹی کنی ، کھانے دی ترکیباں ، ٹوٹکے ذالیں دے مسائل ، خواتین کیتے کہانڑیاں تے ناول اپلوڈ تھیسن۔ تساں وی اپنڑیاں تحریراں ساکوں بھیج سکدے وے ، ممبرشپ مینو کھولو

ایکوں شئیر کرن کیتے تلویں بٹن دباو

Share on facebook
فیس بک
Share on twitter
ٹوئیٹر
Share on whatsapp
واٹس ایپ
Share on email
ای میل
Share on pinterest
پن ٹریسٹ
Share on google
گوگل
Share on telegram
ٹیلی گرام
Share on print
پرنٹ کرو

ہیندے نال دیاں بیاں لکھتاں ݙیکھو

نویاں کتاباں پڑھو

مہینہ وار تحریراں
Free counters!
error: Content is protected !!