نویاں کتاباں پڑھو

مہینہ وار تحریراں

سب تو زیادہ پڑھی ڳئ

اپنڑی ، دکان ، کاروبار ،سکول ، کالج ، آنلاین کاروبار ، یا کہیں وی قسم دے اشتہارات کیتے ساکوں ای میل کرو یا فیس بک تے میسج کرو۔ تلے آلا بٹن دباو

مستقبل دی انجینرنگ ( مستقبل دی اساری ) وہارا امباکر

یہ تحریر مختلف زبانوں میں پڑھیں۔

اے مضمون وہارا امباکر سائیں دی اجازت نال کتاب سرائیکی ڈاٹ کام ترجمہ کیتے ۔ 

پچھلے کئی ݙھاکیاں توں بیالوجی دی شاخ،  نیورو سائنس ، دماغ دے کم کرن دے طریقے ، علاج ، بیماریاں دا علم ، کیتے سب توں ݙھیر مدد انجئئینرنگ ، یعنی مشینیاں دا علم ،

دے شعبے توں آندی پای ہے ، اسلو سکوپ ، ایم آر آی مشین ، الیکٹروݙ سویں آلات ہیں جہیڑے انجینرنگ دے شاہکار ہن تے دماغ کوں سمجھنڑ انہاں دے باجھوں ناممکن ہا ۔

لیکن ہنڑ او دور آندا پے کہ بیالوجی ، ہنڑ انجینرنگ دے شعبے اچ مدد کرن شروع تھیندی پی ہے ۔

موجودہ انجینرنگ  مہانگے اداراں دے صاف ستھرے کمرے تے جدید ترین مشیناں اچ تھیندی پی ہے ، لیکن کہیں جیندے جی ، کو جیہڑے اوکھے طریقے نال قدرت بنڑای انسانی انجینرنگ حآلی وی اوندے نیڑے تیڑے وی کینی ۔ ٹردی پھردی مخلوق  کتے ، ݙالفن مچھی ، پانݙا پپینگولن ، باندر ، کرڑی ، تݙی ، ڳیری سویں انہاں اچوں کہیں کو وی چلاونڑ کیتے کوی بجلی دا شو نی لاونڑا پوندا ، اے اپنڑی طاقت اپنڑا کھاونڑ پیونڑ رزق آپ ڳولیندن ،  بھجدے اݙدے  ، تردے ، چڑھدے ، مخلوقاں جہیڑیاں زری جی محنت کر کہ سکیٹ بورݙ تے سرف بورݙ وی چلاونڑ سکھ سکد ، اے ہیں پاہروں ممکن ہے کیوں کہ قدررت نے مسقتل جینز دا استعمال کریندے ہوے  نویں نویں سینسر بنڑاے ہن ،  پٹھے بنڑن ، دماغ بڑن ،

جیندی مخلوق زیان برداشت کر سکدی ے ، بھنی ٹنگ تے ادھے دماغ نال وی رہ سکدی ہے ، مصنوعی آلات اچ نہ اے لچک ہے تے نہ او برداشت ہݙ بھنڑ آلی ، اے سب بیالوجی دا کمال ہے ۔

آپاں اجنڑ تایں ایہو سویں اوزار کیوں کینی بنڑا سکے ؟

قدرت دے کول ارباں سال ہن جاندار بنڑاونڑ کیتے انہاں تجربات نے مادے نال رل تے ارباں جیندے جاگددے شاہکار بنڑاے ، انہاں تجرباں تے لچکدار ݙیزاین دی کامیاب ترین تخلیق او مخلوق ہے جیہڑے اج خود نویں شہکار بنڑا سکدی ہے ، انسان ، انسان دا دماغ ، قدرت دی سب توں پیچدہ ، ملوک ، تے ؤݙی ایجاد ۔

اپاں کوں کاینات کو سمجھنڑ اچ حالی ݙھیگ ویلا لڳسی ، لیکن چنگی ڳالھ اے ہے کہ اپاں سکھدے پے سے ، ودھدے پے سے ، کاینات دے رازاں دے تالے بھندیندے پے سے ۔

اپاں بہتر مشیناں کیویں بنڑاوں ایندا آسان جواب ہے نقل کرو ، جیویں جاندار قدرت نے بنڑاین اویں بنڑا ،  مثال دے طور تے ، میکسیکن ٹیٹرا غار ، میکسیکو دے وچ ہک غار اے جیندے اچ ایہو سویں اندھی  مچھی ہے جیندا جسم دباو تے  وھندے پانڑی کوں محسوس کرن آلے قدرتی نظام رکھیندے  ، جیندے نال او ماحول کو ݙیدھی ہے ،

 

سنگا پور اچ ساینسداناں ہیں مجھی کلوں سکھ کہ آبدوز دے سینسر بنڑا گدن۔  ابدوز ہک ایہو سوین مشین ہے جیہڑی کی سو بندے گھن کہ سمندردے پانڑی دے اندر کی ہفتے مہینے رہ سکدی ہے ، بغیر پانڑی دے اتے اے ، ایویں جیوں کوی مچھی دے ݙھݙ اچ ہووے تے مچھی سمندر دے اندر ودی راہوے  ،کئی سو فٹ سمندر دے پانڑی اچ تلے ۔

ایں آبدوز کوں سمندر اچ سفر کرن کیتے روشنی دی لوڑ پوندی ہے گھپ اندھارے اچ سوجھلا کرن کیتے بجلی لگدی ہے ، انہاں سینسر جیہڑے مچھی کنوں سکھ کہ بنڑاے نے انہاں نال گھٹ طاقت لاے اپاں پانڑی اچ ݙیکھ سکسوں ۔

بایولوجی دے مدد نال اپاں مشیناں بنڑاے سے ، کی سکھے سے ،  لیکن ساراں توں وݙاں مقابلہ  دماغی نظام دی نقل تیار کرنا ہے ،  ایساں نظام جیہڑا جیہڑا ، بجلی اچ لاو تے چلاو ، پلگ اینݙ پلے ، آلاں کوں چل سکے ، ایندی مثال انٹرنیشنل سپیس سٹیشن ہے ۔  یہ ساری دنیا دے ملکاں دی مدد نال بنڑے  ۔

انٹرنیشنل سپیس سٹیشن ہک ایسا گھر ہے جیہڑا اپنڑی دنیا توں باہروں ہے ، خلا اچ ، لوک اتھاں رہندن ، اپنڑی زمین کولوں وکھری زندگی گزریندن ۔  ہنڑ اتھاں مسلہ اے ہای کہ ایندا ہک حصہ روسی بنڑیسن ، ہک چینی ہک امریکی ، ہر حصے دے سینسر پرزے الگ الگ ہوسن ۔ انہاں آپس اچ رل مل تے کم کرن کیتے ہر واری سیٹ کرنا پوندے

 

بائیولوجیکل مشیناں یعنی زندہ جاندار ایے مسلے کو حل کرن کیتے موٹر ایکشن تے اوندے تے فیݙ بیک دے لوپ نال کݙھیندیاں ہن ۔

موٹر ایکشن توں مراد اپنڑے جسم دے الگ الگ پٹھے یا مسلز ، کیویں کہیں وی مسلے تے جواب ݙیندن ، جیوین

۔تساں  تلے ݙھٹی کوی شے ݙیدھے وے تے ول ایکوں چا گھندے وے ہتھ ودھا کہ ۔

سیلف کنفیگریشن یا اپنڑے کم دے لحاظ نال خود کو تیار کرنا ،  اے طریقہ خلای سٹیشن تے استعمال تھی سکدے ،

ایف پی جی اے ،،ہک ٻی مثال ہے جیندے اچ ، صفر تے ہک ، روشنی دی رفتار تے تیکھے تیکھے بھڄدے کھڑے  ہونے ہن ۔

 

اگر صفر ہک  دی ، بائنری کوڈ  ، اے ترتیب خراب تھی ونے ،  تاں اے وݙا رپھڑ پوسی ،  مایکرو چپس دی ٹایمنگ ہک الگ موضوع ہے ۔

 

اے تاں ہای کہیں مسلے کو حل کرن دا انجینرینگ دا طریقہ ،

بیالوجی  ایں مسلے کو آسانی نال حل کر سکدی ہے ، ٹایمنگ اپنڑے کیتی وی مسلہ ہے ، مثال ، جیہڑے لے اپاں سوجھلے اچوں  املوک اندھیرے اچ ونون تاں دماغ تے اکھیاں  دی رفتار اچ سو ملی  سیکنݙ یعنی ہک سیکنݙ تے ݙاہویں حصے  ، دا فرق آندے ،  ہتھ تے پیر اچ گرمی سردی دے سگنل دی رفتار دا فرق ہوندے ، اپاں نکے لا کنو گھن کہ وݙے تھیونڑ تایں تبدیلیاں آندن۔

 

 

 

دماغ انہاں مسلاں کوں کیویں حل کریندے ، ویلے دی تصدیق ، ٹایمنگ ویریفکشن دی کتاب پڑھ تے  نی سکھدا۔

اے دنیا اچ مقصد بنڑیندے انہاں تے  عمل کریندے

کہیں شے کوں تھݙے مریندے ، ہتھ لینے ، کھڑکینے ، اے فرض کریندے کہ اگر تساں کوی عمل کیتے تے اوندے اچ لڳنڑ الے ویلے دا اندازہ لیندے ، تواݙا شعور ، ݙیکھنڑ ، سمجھنڑ ، سنڑن ، تے محسوس کرن دی ترتیب بنڑیندا رہنے ،  اخیر تواݙا دماغ مستقبل بارے ݙسن سکھ گھیندنے کہ فلانڑا کم کرن نال کیا تھیسی ، فلانڑا کم کریندے کتنی دیر لگسی ، فلانڑے کم دا کیا نتیجہ  تھیسی ۔

جیہڑے لے انسان کوی وی کم کریندے ، ݙیدھے ، محسوس کریندے ، اے ہر حس رکھنڑ آلے جایں کوں سنیہ پچا ݙیندے کہ اپنڑی گھڑی ہیں حساب نال سیٹ کر گھنو ،

 

مایکرو چپ ٹایمنگ دا مسلہ نیوروسائنس کنوں سکھ کہ حل  تھی کہ ہیں اصول تے چپ دی ایسی پروگرامنگ ہے جیندے نال او دماغ دی کلی اپنڑے اپ کو ایہوں سویں مشن یا مقصد ݙے کہ پورا کر سکدے ،

توقع تے حقیقیت دے ادھ اچ فرق کر کہ خود کوں ایݙجسٹ کرنا سکھ سکدے تے کہیں دور اچ کتاباں دی ضرورت مکا سکدے ۔

جیویں جیویں آپاں دماغ دا وسب سمجھدے ویسوں ، اویں اے فنکشن اپنڑیاں تخلیقاں کو وی ودھیندے ویسن ، مصنوعی زہانت آر کیٹکچر، مایکرو چپ تے گݙیاں  ، اپنڑے کی قیمتی ایجاداں بیکار تھیونڑ دے بعدکٻاڑ اچ سٹنڑ دی لوڑ مک ویسی تے خراب تھیونڑ  آلے اوزار تے آپ کو آپ بنڑاونڑ آلے حیاتیاتی اوزار تے صنعت دنیا اچ آندی ویسی ۔

 

شاید اج توں کی سو سال بعد اگلیاں نسلاں جیہڑے لے صنعتی انقلاب دی تاریخ پڑھسن تاں حیران تھیسین کہ اپآں کو اتھاں پجدے ایݙی دیر کیوں لگی ہای ،  جب کہ اپاں قدرت دی ارباں سال پرانڑی ایجاداں کلوں سیکھ کہ اوندی نقل تیار کرن جلدی شروع کیوں نای کر ݙتا ،

جیہڑے لے کوی نینگر نوجوان توآدے کلوں پچھے کہ اپاں اپنڑی ٹیکنالوجی تے سائنس کتنی ترقی کریسے تاں اوکوں اشارہ کراے جتنا تواݙا دماغ چاہسی تے کم کریسی ۔

 

ترجمے اچ کوی غلطی ڈیکھو تاں کمنٹ کرو تے تساں وی سرائیکی اچ ترجمہ کر سکدے وے تاں ویب سائٹ تے مفت رجسٹر کرو تے ممبر شپ مینو اچ ون تے پوسٹ کرن دا طریقہ سکھو۔  یا ساکوں میسج کرو

 

 

کتاب سرائیکی ڈاٹ کام

کتاب سرائیکی ڈاٹ کام ، سرائیکی ادب تے کتاباں ، دے ناں نال کم شروع کرن آلی ہک ویب سائٹ ہے۔ ساݙا مقصد سرائیکی زبان دی ترویج تے سرائیکی اچ مفید علم و ادب پچاونڑ ہے،ساڈے نال رلو ۔

ایکوں شئیر کرن کیتے تلویں بٹن دباو

Share on facebook
فیس بک
Share on twitter
ٹوئیٹر
Share on whatsapp
واٹس ایپ
Share on email
ای میل
Share on pinterest
پن ٹریسٹ
Share on google
گوگل
Share on telegram
ٹیلی گرام
Share on print
پرنٹ کرو

ہیندے نال دیاں بیاں لکھتاں ݙیکھو

نویاں کتاباں پڑھو

مہینہ وار تحریراں
Free counters!
error: Content is protected !!